आपण दोघं

 उगवतीचे रंग

आपण दोघं

मी तुला ओळखतो, अगदी लहानपणापासून नियतीनेच तुझी आणि माझी गाठ बांधली आहे एकमेकांची सुखदुःख आपण वाटून घेतो

आणि ती सुद्धा अगदी आनंदाने.

तू नेहमीच माझ्याबरोबर असतेस.

कधी तू माझ्यावर प्रेम करतेस तर कधी रागावतेस, कधी रुसतेस

आणि कधी मलाही रडवतेस.

पण मी तुला नेहमीच आहे तसं स्वीकारलं आहे.

अर्थात हे तुझ्याही लक्षात येत असेलच.

कधी कधी तू माझ्यासमोर प्रचंड मोठी आव्हानं उभी करतेस

आणि मग मी धडपडतो त्यांना तोंड देण्यासाठी. त्यात कधी यशस्वी होतो तर कधी अयशस्वी.

पण या सगळ्या परिस्थितीत तू मला सांभाळून घेतेस.

तुझं आणि माझं हे नातं माझ्या अखेरच्या श्वासापर्यंत कायम राहील.

मी असतो तिथे तू असतेसच.

तू दुसरी तिसरी कोणी नाहीस

 तू तर आहेस माझी जिंदगी.

  मी तुझ्यावर फार फार प्रेम करतो आणि करत राहीन.

तुझी साथ अशीच राहू दे वर्षांवरचे वर्षानुवर्षे.

© विश्वास देशपांडे, चाळीसगाव

१०/०२/२०२४

प्रतिक्रियेसाठी  ९४०३७४९९३२

( कृपया कविता नावासहित अग्रेषित करावी )